من اروع ماقرات للشاعر / فهد الغبين
إعتبرني شخص مـات ..وانسنـي
وخلني ذكـرى علـى رف الحيـاه
وغننـي وقـت إتضايـق ..غننـي
علني أكون ..عـن ضيقـك سـلاه
ياوليف الـروح ..بعـدك ..جننـي
والضمى للوصل ..مقطـوع رشـاه
من هواك ..ارجـوك قبـل تكننـي
فـي ضلوعـك ..لاتضيعنـي ب ااه
يوم أخيلك ..طيف ..شوق مرنـي
مثل حلم ٍ ..كـان ..مبـدي ٍ نهـاه
ياصعيـب الوصل..تكفـى هدنـي
يكفي ..طيفك ..كم سنه امشي وراه
لا لحقته ..صـد عنـي ..وصدنـي
ولابغيت انساه ..يذبحنـي ..غـلاه
ولا ذكرت ..شلون ..بعدك سمنـي
قلت أغيب ..واترك السـم ..ودواه
واثرني ..ما اقوى فراقك ..اثرنـي
لامنعني العقل ..قلبي ..جاء ..يحداه
نور ..عيني ..ليه ..تبغـى تذلنـي
ماكفاك ..أموت بك وانـت الحيـاه
وماكفاك ..الشوق ..يمك ..زمنـي
مثل زمة طفل ..يصرخ من ضمـاه
هدنـي ..يازيـن ..والا ..ابنـنـي
دام صرح الحب ..ملك لمـن بنـاه
يامليـك الـروح ..تكفـى دلـنـي
لا تخليني ..حبيبـي ..فـي متـاه
وان لفيتك طيـف حلـم ..سلنـي
والا ما للطيـف ..حلـم ..باللقـاه
كل ..مابـك ..لاذكرتـه ..شدنـي
لين ضعت ..وضيع الهاوي ..خطاه
ولابغيت تـروح ..روح ..وعزنـي
حتى لوني ..ميتٍ ..يقبـل ..عـزاه
والا تـدري ..يابعدهـم ..ذكـنـي
ذكنـي بيديـك ..كافينـي ..اسـاه
كافي ..اني عشت حلـم ..تحبنـي
وكافي ..مات الحلم ..ماحقق منـاه
وخلني أمـوت ..تكفـى ..خلنـي
فاقدك..يالروح ..وش تفرق معـاه
وإعتبرني شخص مات ..وانسنـي
وخلني ذكـرى علـى رف الحيـاه